Filipçe: Momentalisht nuk do të vendosim në karantinë Tetovën dhe Gostivarin

14:18 | 21 Gusht 2021
A. B.

Ministri i Shëndetësisë, Venko Filipçe në konferencë për shtyp në pyetje të gazetarëve nëse duhet të vendoset karantinë në Gostivar dhe Tetovë tha se momentalisht nuk ka një opsion të tillë.

“Ne po i shqyrtojmë këto çështje, biseduam për këto masa dhe konkludimi është se momentalisht nuk do të vendosim karantinë për Tetovën dhe Gostivarin. Theksin e çojmë te vaksinimi duke përfshirë edhe këto qytete ku është numri më i madh i pacientëve dhe pacientëve të hospitalizuar”, tha Filipçe.

Ai u bëri thirrje qytetarëve që të vaksinohen për shkak se kjo është e vetmja mënyrë për ta luftuar pandeminë e coronavirusit.

Ndryshe, qyteti i Gostivarit dhe Tetovës janë ndër qytetet me më së shumti të infektuar, ndërsa në Maqedoni për çdo ditë ka mbi 1000 raste në ditë dhe dhjetëra të vdekur./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm